كوميديا: تحدي الجبابرة: الحلقة الثالثة

مر شهر كامل منذ قدوم المدرس سمير وبعد أول إختبار شهري وجدنا أن كل الطلبة اعلنوا الإستسلام والتحقوا بالدروس الخصوصية لديه ولم يبقي سوي نحن الثلاثة وبالرغم أننا كنا نجحنا بصعوبة بالغة ولكن المهم أننا نجحنا وهذا هو المهم .

في إختبار الشهر التالي كنا نعتمد علي الفهلوة وتبادل الأفكار بيننا لأن الهدف هو النجاح فقط وليس مهم التفوق ولكن في نتيجة ذلك الإمتحان إكتشفنا أن جميع الطلبة حصلوا علي الدرجات النهائية ماعدا نحن الثلاثة

كوميديا: تحدي الجبابرة: الحلقة الرابعة والأخيرة

عندما اعلن الأستاذ سمير درجات الإختبار وهو يتطلع إلينا بنظرة شماتة وإبتسامة ماكرة لكي يؤثر علينا لكي نعلن الإستسلام وننضم إلي باقي الفصل وبدأ في الإستفزاز العلني لنا نحن الثلاثة قائلاً :

ــ إيه موش ناويين تفلحوا السنادي ولا عاوزين تجيبوا ملحق وتذاكروا في الأجازة دا كل الفصل بقي شاطر مافضلش غيركم إنتم

لم اتحمل تلك الكلمات الجارحة بسبب روح القيادة التي تتملكني دائماً بسبب شعوري بأنني الزعيم فأجبته قائلاً :

ــ أصل الفصل ربنا كرمه وبياخدوا درس خصوصي وإحنا لسه بندور علي الشارع اللي فيه الدرس دا وربنا يكرم ونلاقيه في آخر السنة

صمت المدرس لوهلة وتجاهل كلامي كأنه لم يسمعه وإنهمك في إعلان باقي أسماء المتفوقين  بإبتسامته الخبيثة وأكمل الحصة بدون الإهتمام بنا كأننا أشباح ولسنا مع باقي الفصل .

بعد أسبوع إلتقينا في الممر المؤدي إلي حجرة الدراسة  مرة أخري خارج الفصل وأخبرته أننا سنواصل مسيرتنا التعليمية بدون أي دروس خصوصية فأجاب قائلاً :

 

ــ طيب حاتعمل إيه يافالح لو سقط في الإمتحان إللي جاي حايبقي شكلك وحش أوي في الفصل إنت وجوز المعيز التانيين اللي معاك؟!!

أجبته بثقة تتجاوز حدود تلك السماء قائلاً :

ــ أستاذ سمير التلت معيز دول عباقرة والعبد لله إنشتاين البلد وليه علامات في كل مسائل الرياضة و لو دورت شوية في الكتب حتلاقي نظريات باسمي في الكتب بالبنط العريض جنب فيثاغورث لزق

ــ ياسلام نظريات !!!!! ....... طيب إنجح الأول بدل ما إنت ماقضيها علي الحركرك طول السنة

تطلعت إليه وعيني تطلع إلي عينيه بإحاء من التحدي قليلاً واجبته بكل ثقة قائلاً :

ــ إيه رأيك يا أستاذ سمير نعمل تحدي بسيط بينا وبينك في الإمتحان اللي جاي عشان تشوف العبقرية كلها من الثلاثة العظماء وعشان تحكي قصتنا لكل الطلبة من بعدنا لتكون درس في الحياة

قطب حاجبية في نظرة عميقة إلي قائلاً :

ــ إيه هوا التحدي ياعم فيثاغورس يامتعلم؟!!

ــ المهم الأول يا أستاذ سمير ماتاخدش الموضوع بطريقة شخصية إحنا في الأول وفي الآخر حبايب طلبة بتهزر مع المدرس بتاعهم يعني ممكن تقول طريقة جديدة في التفاعل النفسي والتعليمي بنا وبينك وعشان كدا التحدي حايكون لو تفوقنا في الإمتحان اللي جاي حناخد الدرجة دي في باقي الإمتحانات اللي جاية واللي فاتت ويبقي كده خلصنا درجات أعمال السنة ولو فشلنا يبقي ليك عندنا حق عرب وياباشا أصعب إمتحان هاته وإحنا بإذن الله متفوقين دايماً علي طول علي رأي الأستاذ عبد الحليم

الإستفتاء ومغامراتي في الجامعة : الحلقة الأولي

وبالفعل قبل الأستاذ سمير التحدي وعُدت إلي الفصل وأنا في قمة السعادة والثقة واخبرت محمد وحسام بهذا الإتفاق ولكن كان رد فعلهم مختلف حيث اجابني حسام قائلاً :

 

ــ الله يخرب بيت أبوك مين قالك أنا عاوز كدا دا أنا بكتب اسمي بالعافية تقولي تحدي ومذاكرة وموش عارف إيه...... لا ياعم أنا حاطلعله واقوله أنا عيل ماليش دعوة وأنا مبسوط بالحركرك دا وعلي فكرة دا يعتبر إنجاز في حد ذاته

واجابني محمد أيضاً قائلاً :

ــ هوا إنت لازم كل مرة تلبسنا بلوه ونتفضح فضيحة العانس في الفرح ..... بقولك إيه إنسي أنحنا أصحاب وانسي أمي والرز باللبن اللي بتتطفحه عندنا

فامسكت بيد محمد متوسلاً :

ــ إلا أمك يامحمد دا أنا أموت فيها دا هيه الحته الحنيه كلها دا أنا ماعرفتش عيد الميلاد غير علي إيديها وكدا عاوز تحرمني  من الرز باللبن بتاع أمك دا يبقي عيب وحرام علي أمك يافقري .... مافيش قلق بعد النهارده وسيبوا الموضوع دا عليا أنا

حاتصرف وحاباصيلكم الإمتحان لما اجاوبه أول بأول بس يامحمد قول لأمك تزود

 المكسرات شوية علي الرز باللبن وقولها محمد نفسه هفاه علي أم علي اليومين دول


Post a Comment

Previous Post Next Post